გერმანიასა და ევროკავშირის მრავალ ქვეყანაში წყლის რესურსებისა და ჩამდინარე წყლების მონიტორინგის სისტემების ფუნქციონირება და სიზუსტე ქვემოთ წარმოდგენილი სტანდარტებითა და ეროვნული რეგულაციებით არის განსაზღვრული:

• MCERTS
• UBA
• TÜV
• WMO

UBA-ისა და ტექნიკური ზედამხედველობის ასოციაციის (TÜV) მოთხოვნებთან შესაბამისობა ნიშნავს ავტომატური საზომი სისტემების ვარგისიანობის მკაცრ ტესტირებას. მონიტორინგის სერტიფიცირების სქემის - MCERTS-ის სერტიფიკატი კი ადასტურებს წყლის უწყვეტი, ონლაინ მონიტორინგის მოწყობილობების სანდოობას ინდუსტრიულ და მუნიციპალურ ჩამდინარე წყლებში გამოსაყენებლად.

ამ სტანდარტებთან შესაბამისობა გერმანიის მარეგულირებელ გარემოში გამოიყენება როგორც ჩამდინარე წყლების მონიტორინგის ტექნიკური საფუძველი და დაკავშირებულია AbwV-ის მოთხოვნებთან. ამიტომ საქართველოს ტექნიკურ რეგლამენტებში მათი გამოყენება მიზანშეწონილია როგორც შემოწმებადი ხარისხის და მონაცემთა სანდოობის კრიტერიუმი.

დამატებით, TÜV/UBA სპეციფიკურად მოთხოვნილია იმ სისტემებისთვის, რომლებიც გარემოსდაცვით ორგანოებთან ავტომატურ ანგარიშგებას ახორციელებენ. იგი ადასტურებს, რომ ავტომატური სისტემები უზრუნველყოფს გაზომვებს, რომლებიც DIN/ISO სტანდარტების შესაბამისი ხელით გაზომვის მეთოდების ეკვივალენტურია.

მსოფლიოს მეტროლოგიური ორგანიზაციის (WMO) No. 8 სტანდარტი (მსოფლიო მეტეოროლოგიური ორგანიზაციის სახელმძღვანელო ხელსაწყოებისა და დაკვირვების მეთოდების შესახებ) არის გარემოსდაცვითი მონიტორინგის გლობალური ტექნიკური საფუძველი.

WMO No.8 სტანდარტი სენსორების მეთოდოლოგიასა და ტექნიკურ სპეციფიკაციებს განსაზღვრავს, რაც აუცილებელია გრძელვადიანი კლიმატისა და გარემოს ტენდენციების ანალიზისთვის. აღნიშნული ჰიდროლოგიასა და მეტეოროლოგიაში თანმიმდევრული და მაღალხარისხიანი მონაცემების მიღების გარანტიაა.

რაც შეეხება ISO 748-ს, ეს არის ჰიდრომეტრიის ტექნიკური სტანდარტი, რომელიც ღია არხებში სითხის ნაკადის გაზომვას არეგულირებს.

WMO No.8-ისა და ISO 748-ის სტანდარტების ინტეგრირება გერმანიის მარეგულირებელ გარემოში ხდება LAWA-Pegelvorschrift (წყლის დონის გაზომვის ინსტრუქციების) მეშვეობით. LAWA-ს ინსტრუქციები განსაზღვრავს მონაცემთა ხარისხს, რომელიც სავალდებულოა ფედერალური და რეგიონული მონიტორინგის ქსელებისთვის.

აღნიშნული სტანდარტების ფლობა იმის დასტურია, რომ ამ კომპანიების სენსორები აკმაყოფილებს მაღალი სიზუსტის კლასებს - როგორც წესი, < 0.05% Full Scale (FS) ცდომილებით, რაც გერმანიის ოფიციალური ჰიდრომეტრიული აღრიცხვისთვისაა აუცილებელი.

გერმანიის სახელმწიფო უწყებების მოთხოვნების დასაკმაყოფილებლად, კომპანიებმა თავიანთი მონაცემების მიღება, კალიბრაცია და სტანდარტული ოპერაციული პროცედურები უნდა შეუსაბამონ ISO/DIN სტანდარტებს, რომლებშიც ISO 748 ერთ-ერთი მთავარი საყრდენია.

ერთობლივად, ეს გარემოსდაცვითი და ტექნიკური ავტორიტეტული ორგანიზაციები ქმნიან მარეგულირებელ და ტექნიკურ ჩარჩოს, რომელიც ადგენს ეროვნულ გარემოსდაცვით მოთხოვნებს (UBA), აწესებენ მონიტორინგის მოწყობილობების მიმართ მკაცრ სტანდარტებს (MCERTS), უზრუნველყოფენ უსაფრთხოებისა და ხარისხის დამოუკიდებელი ავტორიტეტული ორგანიზაციის მიერ დადასტურებას (TÜV) და ადგენენ ჰიდრომეტეოროლოგიური გაზომვების სიზუსტის საერთაშორისო სტანდარტებს (WMO).